مقالات
وش وش ني
بقلم / الشاعر علي فاروق
وشوشني وداد في القلب وبوح
واحذرني أنوح
وشوشني حنان
وطمان وأمان
سمعني كمان
أعذب ألحان
وشوشني بكلمة ترد الروح
قولهالي وروح
…..
وش وش ني
دا صوتك نعنشني
حسني مسني قصره رعشني
جنني بحبك وروشني
وماحاشني إلا صوتي المبحوح
….
وش وش ني
مافيش غيري هيسمع
ولا حد يفكر أو يطمع
حاسب م الغيرة اللي بتلمع
في عيونهم أم سهام وجروح
…..
وش وش ني
وشوشني قبال كل العزال
ماتخاف مين يهمس أو مين قال
وشوشني كلامك لو موال
هيكون وحده هوه المسموح
…..
وش وش ني
كتير غني عليَّ
أنا قابل يخدعني كلامك
من غيرك بايخة الملاغية
ولا يعجبنيش إلا سلامك
لمسة إيدك بتداوي جروح.
اترك تعليقك ...
