مدحت العدل … أهلا وسهلا بالمنافسة ومحمد رمضان شبه الغلابة
كتب / حسام صلاح
كشف السيناريست مدحت العدل عن رأيه في تجسيد محمد رمضان لبطولة فيلم “ع الزيرو” وذلك خلال لقاء مع رؤيا مصر في العرض الخاص للفيلم والذي أقيم بأحد السينمات الكبرى في السادس من أكتوبر
وتحدث مدحت العدل عن فكرة الفيلم قائلا “ببساطة محمد رمضان في الفيلم شبه كل العالم دلوقتي في الطبقات رقيقة الحال اللي أبطال علشان بيعرفوا يعيشوا وبنعمله في إطار لذيذ بدون كآبة”
وخلال اللقاء كشف العدل عن رسالة الفيلم وقال “البطل مش لازم يبقى طاير بجناحين أو سوبر مان والناس العادية كلها أبطال”
تحدث العدل أيضا عن المنافسة مع محمد هنيدي وأفلام الصيف واوضح انها مهمة حتى يخرج منتج جيد للجمهور قائلا “أهلا وسهلا بالمنافسة وكل ما يكون في منافسة كلنا هنجود علشان نطلع حاجة أحلى للناس”
وكشف العدل خلال اللقاء مع رؤيا مصر عن رأيه في موضوع تصدر الفيلم لشباك الإيرادات قائلا “احنا بنكتب اللي مؤمنين بيه ومصدقينه وسيبك من الثقة ما لحنا عملنا أفلام منجحتش وكانت بطولة نجوم كبار عادي يعني فالشباك والحاجات دي بتاعت ربنا”
فيلم “ع الزيرو” تأليف الدكتور مدحت العدل، إخراج ماندو العدل، إنتاج جمال العدل، بطولة محمد رمضان، نيللي كريم، جومانا مراد، إسلام إبراهيم، شريف دسوقي، الطفل منذر مهران.
تدور أحداث الفيلم في إطار اجتماعي، حول رجل يعاني نجله من مرض خطير، يحاول إنقاذه، الأمر الذي يتطلب إجرائه عملية كبيرة تتكلف أكثر من مليون جنيه، ليعيش الجمهور معه محاولاته العثور على المال بطرق مختلفة.
