هند عبد الغني تكتب : الحلو لازم يتقدر
الحلو مكفرش علشان شكر اللى منحه التقدير …
حضرتك لو اتغربت واشتغلت بشركة فى الخارج ولقيت حسن معاملة وتقدير يليق بإمكانياتك بالتأكيد حتشكرهم وتمدحهم…ومحدش طبعاً بيسمع المدح دة لانه مش فنان او مشهور ….
والسعودية مش بلد كفار لا سمح الله علشان الكل زعلان ان الحلو يشيل اسكندرية ويحط السعودية …السعودية دولة عربية شقيقة..
وكرمت ناس من بلدك يبقى الاولى نشكرهم انهم فاكرينهم..
والنقطة التانية غير التكريم والتقدير …الاحتياج المادى
مين يعرف ظروف مين.. فى ناس عفيفة تحب تحافظ على صورتها ومش بتشتكى ولا تتكلم ….
انا بقوله منين ماتكون مًقدر ياحلو امدح واشكر وعمار لكل مكان على ارض الله يقدر قيمة الانسان وفنه …
ياريت بلاش نصدر ازماتنا وخنقتنا على غيرنا دة اسمه إسقاط.. الانسان بيحب يكون متواجد وسط ناس ينور بينهم وبيهم …
وياريت نسأل نفسنا هو الحلو اخر حفلة له فى بلده كانت امتى !!…
اخر مرة اتكرم واتقدر كان امتى؟ !!!واصلا لو اتعملت حفلة للحلو هل حتلاقي قبول زى التهافت على نجوم المهرجانات!!!!؟
الحلو مأجرمش ….ولا هان بلده
يبقى محدش يلومه …ودعوا الخلق للخالق
كل الامنيات للسعودية فى تألقها وكل الامنيات للحلو ولكل عظماء الفن فى مصر ….واتمنى نسيب الحاجات البسيطة دى ونركز على احوالنا ….دة الاولى
ارحب بكل من يختلف معايا بالرأى على راسى.
