محمود طاحون:” الأكشن في فهد البطل أحسن أكشن قدمه العوضي في حياته
كتب/ حسام صلاح
خطفت مشاهد الأكشن التي قدمها أحمد العوضي في مسلسل فهد البطل الأنظار، وأصبحت حديث السوشيال ميديا في الأيام الماضية وبدأ الجمهور في التسأل هل تم تنفيذ هذه المشاهد الاستعانة بدوبلير أو لا.
وكشف مخرج الأكشن محمود طاحون أناء لقاء حصري مع منصة one take عن كواليس تنفيذ هذه المشاهد والصعوبات التى واجهتهم أثناء التنفيذ.
تصريحات محمود طاحون:
وقال طاحون:” النجاح الحمدلله كان متوقع لأن أحسن أكشن قدمه العوضي في حياته كان في فهد البطل، وساعدنا في ده أن العوي بيتمرن كويس وجسمه مساعده، وأنا المدرب بتاعه من قبل ما أكون مخرج أكشن وعارف بيدرب أزاى.
وأضاف :” الناس بتستغرب من طريقة الأكشن في الأعمال الفنية وأن ازاى بعد الضرب ده كله الممثل بيفضل عايش بس ده دراما يعني لو أنا قدمت المشهد الأكشن أو الخناقة العادية اللى بتحصل في الشارع الناس هتزهق”.
وتابع:” الشعب المصري بطبعه بيحب الأكشن والأثارة وبيحب يتفرج عليها فلما أقدم له حاجه بتحصل في الشارع مش هينجذب ليها أو هيبقي عنده الحماس يشوفها”.
لما جبت لأحمد العوضي. دوبلير قالي خليه يمشي:
وتحدث طاحون خلال اللقاء عن تصوير أحد مشاهد الأكشن وعن خطورته وقال:” المشهد كان جرى ونط بين العمارات والمكان مكنش فيه الأمان الكافية ولما جيت دوبلير العوضي أول ما شافه قالى خليه يمشي وأنا اللى هعمل المشاهد، وعايز أقول حاجه أن العوضي الممثل الوحيد اللى مالوش دوبلير”.
وتابع:” الناس لازم تعرف أن مخرج الأكشن أداة من أدوات المخرج وأحنا بنطبق اللى مكتوب في السيناريو، يعني لو المشهد مكتوب أن العوضي هيضرب خمسين واحد هنفذ المشد على كده”.
تفاصيل مسلسل “فهد البطل”
ويذكر أن مسلسل فهد البطل بطولة أحمد العوضي، ميرنا نور الدين، أحمد عبدالعزيز، كارولين عزمي، يارا السكري، لوسي، صفوة، محمود البزاوي، حجاج عبدالعظيم، أحمد ماجد، عصام السقا، صفاء الطوخي، ومن تأليف محمود حمدان وإخراج محمد عبدالسلام، وتدور الأحداث في إطار اجتماعي شعبي.
https://www.facebook.com/share/v/1AHKc22MZj/
