النائبة سحر طلعت مصطفى : محمد منير من القلائل اللي نقدر نوصف صوتهم بأنه “صوت مصر”
كتب / محمد مصطفى
قالت النائبة سحر طلعت مصطفى ان الفنان محمد منير من اللحظة الأولى اللي وصل فيها محطة القطار في رمسيس وخطت رجليه العاصمة كان مقرر يكون جزء من تاريخ وهوية البلد دي..
عندما كان شابا كان بياخد في اليوم ١٠ قروش مصروف.. لكنه آمن بحلمه وصنع تاريخ..
تاريخ امتد على مدار أكثر من ٤٥ سنة كان فيهم منير مش بس فنان بيصنع أغنيات وأعمال فنية مؤثرة.. لكن كان “رفيق” لرحلة عمر، رحلة اختبرنا معاه فيها كل المعاني والمشاعر والمكسب والخسارة، واختبرنا الوطن معاه بكلماته وبصوته اللي دايما عالي بالغنا واللي مش لايق عليه غير الغنا !
وأضافت النائبة سحر طلعت مصطفى ان الفنان محمد منير مهما السنين تعدي هيفضل صوت مصر..
صوت مصر الجميل اللي متلون بجمال النوبة وروحها..
النهاردة عيد ميلاد الكينج منير
كل سنة وأنت غالي يا منير زي صوتك اللي بيخلينا نحس أكتر ونحب أكتر ونقدر الوطن أكتر.
