اورتيجا لعمر ومصطفى .. إحنا مش حرامية والوسط الفني كله بينحت ومفيش إبداع
كتب/ حسام صلاح
تحدث مطرب المهرجانات اورتيجا، عن ازمة خلافه مع الفنان عمرو مصطفي، بسبب اتهامه لهم بسرقة الالحان ووصف مطربي المهرجانات بالـ”حرامية”.
وقال اورتيجا، خلال لقاءه مع رؤيا مصر، “انا زعلان من عمرو مصطفي جدا بعد تصريحاته الاخير عن جميع مطربي المهرجانات ، ولابد ان يذكر اسماء بعينها وليس الحديث عننا بشكل عام.
واضاف اورتيجا، احنا مش حرامية احنا ناس صناع ونجوم كبار بتطلب مننا كلمات والحان وتوزيع وبيحققوا من خلالها ملايين المشاهدات.
وتابع اورتيجا، حاولت اتواصل مع عمرو مصطفي قبل ما اكتب البوست واهاجمه علي تصريحاته ولكن معرفتش اوصله، وبوجه له رسالة ان ربنا يكرمك في حياتك وتبقي من احسن الملحنين في العالم ومتتكلمش عن حد وخليك في حالك ورد بشغلك”.
وكشف اورتيجا لرؤيا مصر عن رأيه في سرقة الألحان، وقال: سرقة تراك الاغنية كامل كوبي بيست هذا يعتبر سرقة، لكن ممكن تستوحي شئ من مزيكا وانا بسمع كل الثقافات، ومش حابب اذكر اسامي ناس كبار محققين 200 مليون من الحان مسروقة ومفيش حد في الوسط الفني مبينحتش ومفيش حد حاليا بيبدع”.
ووجه اورتيجا، رسالة في نهاية اللقاء للفنانة مي كساب بعد وفاة والدها: البقاء لله والدها كان راجل محترم وخلوق ورباهم تربية كويسة وان شاء الله في الجنة ونعيمها.
