لا دية في القتل العمد
بقلم / هبه سعيد
أ. المحاماه والإستشارات القانونيه
مفيش ديه في القتل العمد .
جمع مبلغ ضخم لدفعه كدية لأهلية المغدورة نيرة والذين أعلنوا رفضهم لقبول الدية بالاضافة الى الخطأ القانونى الفادح.. حيث ان قضايا القتل لايجوز بها التصالح الا فى التنازل عن الدعوة المدنيه وهو حق اصيل للقاضى فى النزول بالعقوبة من عدمه والا صارت الدنيا غابة كل من يقتل ويذبح أمام الناس يتم جمع الدية له وتضيع الحقوق..
مفيش فى القانون حاجة اسمها دية يدفعها القاتل لاهل القتيل ، دا نصب لسرقة فلوس الناس.
السؤال دلوقتى ؟
مين النصاب اللى بيروج بعد الحكم بالاعدام او حتى قبل الحكم اهل الضحية ممكن يتنازلو وياخدوا دية؟
لان قانونا الجنايات مفهاش تصالح.
ممكن فى القتل الخطأ لانها( جنح )مش جنايات . وقتل خطأ مش عمد.
الجنايات مستحيل لسببين ، انها
١- حق عام : دا بتاع المجتمع وحق الناس كلها فى الامان وحق الدولة فى ضبط الامن
٢- حق خاص : دا بتاع الضحية واهلها ومن حقهم يطلبو التعويض المدنى وياخدوا اكثر من المبلغ اللى بيقولو عليه ديه كتعويض بحكم محكمة ..
بلاش تصدقوا النصابين
مصر دولة قانون مفهاش حاجة اسمها دية..
ودى جرائم نصب ونشر اخبار واشاعات كاذبة من شأنها تكدير السلم العام
المادة 17 من القانون يمكن النزول بالعقوبة درجة أو درجتين نظرا للظروف التي كان يمر بها الجاني وقت ارتكاب الجريمة أو نظرا لظروفه الصحية أو لحداثة سنه
ارجو النائب العام يتدخل..
واللى ورا الكلام دا خطر جدا
ليه مفيش حاجة اسمها دية فى القانون ؟
لان دا معناه ان الغنى يقتل براحته ويشترى جثة القتيل وأهله بالفلوس
احنا دولة قانون..
معندناش الكلام دا
عندنا قانون وقضاء بيرجعو للناس حقوقها
وللدولة امنها وامن الناس
وللمعرفة القانونية
النقض فى احكام الاعدام اساسى ووجوبى النيابة لازم تعمله حتى لو محامى القاتل معملوش
وفى حالة نيرة القاتل قتلها علنا واى هبل عن انه ضحية وسلوكها ايه مالوش علاقة بواقعة القتل
وهيعرض اللى بيقوله للمحاكمة
اللى حصل قتل ميعملهوش حيوان متوحش فى الشارع.
