الزواج في بيت العيلة !
بقلم / هبه الخرادلى
هل أصبح الزواج في بيت العيله قنبله موقوته ؟
ام انه حل مثالى للقضاء على ازمة السكن ؟
هل بالضرورة الجواز في بيت العيلة بيسبب مشاكل؟
ايه الحاجات اللي لازم الاحظها اثناء التعارف او الخطوبة هتاثر علي شكل حياتي بعد الجواز..؟
ازاي شكل علاقة خطيبي باهله له دور في شكل العلاقة بهم بعد الجواز قريب منهم؟
أساله كتير بدور فى دماغنا بخصوص الموضوع دا..
بس ياترى العادات والتقاليد هى السبب فى النظره دى لبيت العيله ولا الفكر والثقافة والمجتمع هما السبب
ايه الحاجات اللي لازم اتفق عليها مع خطيبي فيما يخص شكل الحياه..
اوصى كل اتنين مقدمين على الارتباط بالصدق والأمانة والإخلاص والصراحه فيما يخص حياتهم ومستقبلهم حتى ادق التفاصيل
ماهى الحدود الموضوعه في بيت العيله
لازم يكون فى خصوصيه للزوجين وعدم التدخل فيما بينهم من اسرار
ايه الاخطاء اللي بتقع فيها البنت اثناء الخطوبه مع اهل خطيبها و بيكون لها تاثير علي شكل وحدود العلاقة بعد كدة
انها بتكون عاوزه تسيطر على الخطيب وتلغى دور امه وتتعامل بنديه واستحواذ
ايه الحدود اللي لازم الزوجه تحطها
ازاي تنفذها بشكل لطيف وذكي من غير ماتزعل حد
انها ماتتدخلش فى اى شئ مايخصهاش وبمنتهى اللطف تلفت انتباه اهل زوجها بعدم التدخل فيما بينهما
لو حصل تجاوز او حاجة دايقتها من اهل الزوج تعمل ايه
تتكلم معاهم بمنتهى الادب والموده ان دا تصرف غير لائق وتعرف زوجها بشكل سطحى عن الموضوع واذا اتكرر نفس الغلطه لازم الزوج يعرف ويواجه ويكون فى منه رد فعل للحفاظ على كرامة زوجته
ايه الحاجات اللي ينفع نعديها
وايه الحاجات اللي لا لازم نحسمها
اى نقاش بدون هدف من ام الزوج لازم تتقبله او اى تحكم غير مؤثر او ضار على حياتهم تتقبله وتتغاضى عنه
لكن اذا كان فى لفظ او فعل غير لائق لازم يكون له واقفه
نصيحة للزوجه للتعامل مع ام زوجها المتدخلة اللي بتحاول تسيطر و تدير بيت ابنها
بمنتهى الموده تحاول ترضيها وتكسبها طول الوقت وتعرفها ان ابنها ليه حاليا زوجه مسؤله عنه عشان حضرتك ترتاحى من مسؤليته وترجوها تعلمها ازاى تدير شؤن بيتها بالشكل المناسب وبالطريقة دى هاتقدر تكسب ود حماتها.
