تقدمه / داليا طايع
مصر مشهورة بأمثالها الشعبية و مقولاتها المأثورة.. وزي مافي مثل او مقولة توجد قصة وراءها.. وفي كتير مننا بنقول المثل او المقولة بس يا ترى عارفين ايه حكايته.. كتير مننا مش عارفين ايه العبرة والحكمة و الفايدة اللي اتسببت ان المثل ده يشتهر ويفضل لحد عصرنا الحالي.
تعالوا نفهم ونعرف القصة اللي اتسببت في المقولة او المثل.
النهاردة هحكيلكم قصة مثل ” اللي ميعرفش يقول عدس” طب ليه مقالتش فول او شئ غير العدس هنعرف ليه العدس.
حكايتنا هتكون في قديم الزمان عن رجل يمتلك دكان بيبيع فيه البقوليات و الفول و العدس.
كان التاجر متعود ان يضع أمواله في كيس، وكالعادة وضع أمواله بس المرة دي غير اي مرة عشان هجم على الدكان لص سرق كيس الأموال.. فلما التاجر شاف اللص جري وراه لحد ما اللص تعثر بشوال عدس وسقط ومسك التاجر اللص وعندما رأى الناس ذلك ظنوا أن اللص سرق بعضًا من العدس فقالوا للتاجر: “كل هذا الجري من أجل شوال عدس، أما في قلبك رحمة ولا تسامح” فرد التاجر ساخرًا: “اللي ميعرفش يقول عدس.
في عصرنا الحالي بقي يتردد مثل اللي ميعرفش يقول عدس ان يصبح المثل بمثابة نصيحة لكل من يقول أمر دون معرفه أن يتحقق من هذا الأمر.
المرة الجاية هحكيلكم قصة مثل “اللي مايعرف الصقر يشويه”.
