حكاية أم لإبن معاق
بقلم / عبد الناصر العريان
حكاية أم
شايله الهم
تعبانه عشان الكل
ما بترتاح
إلا لما تطمن ع الكل
شفتها لما
كان أبويا ف كرب
كات بطمنا
وم نعتنا الهم
حاجه غريبه
شافت يا مه
من الكل
عاشت لينا
تريح الكل
كات فرحتها
ببساطه كدا
لما بتسمع خبر حلو
علمتني اقرا
وكتبتني قبل الكل
كات بتشلني
للمدرسه ست الكل
علشان أنا كنت
م عرف امشي
وكات شوارعنا
فيها دروب
عارفين
لما نجحت
وخدت ابتدائيه
فرحت بدموعها
طلقت زغاردها
قالت
أنت نصرتني ع الكل
يااااااه علي دى ام
وقفت أمام الخلق
قالت
ابني الاول ع الكل
فاكرك يما
فاكرك جامد
فاكر وشك
نور بيطل
إنتي حكايتي وإنت حكاياتي
أقول إيه
مهما قلت ومهما اتكلمت
بردو دموعي
سابقه الكل
دى
ابتدائيه وعدت
احكي عن إيه
والا إيه
مشوار يا أمي
شرحه يطول
وكبرت
وجيت اتجوز
شوفتي المر
ياما قالولك
ياما انب فيكى
الكل
مين يتجوز إبنك
ربنا يديك طولة العمر
خبط بابنا
وجالك يما
أهل عروسه
تقبلي يا ست الكل
نخطب إبنك
لبنتنا
صرختي يا أمي
أنت بتتكلم جد
دي عروسة ابني
ح تبقي
ست الكل
كات فرحتك يوم الزفه
ما لها حد
وجات البنت
وبعدها بنت
والتالته جات
غطت ع الكل
وربي
رزقني برابعة جميله
حنيتها ما لها حد
فرحتي ي أما
وفرحتي الكل
ويوم مماتك
قلتي
قرب مني
وأنا قربت
جبت ودني
قرب شفايفك
وكانت
آخر كلمه منك ليا
ربنا يعوض عليك
هاتلي كبيرتك
تقرأ ليا
كلام الحق
وجاك الحق
من عند الحق
ورحتي يا أمي
لدار الحق
