اليابانيون اكتشفوا إن السمك في البحر بيبقى في حالة حركه مستمره لأنه لو ماتحركش هيتاكل.. بالتالي الدورة الدموية عنده Active (شغالة)
ده اللي بيخلي طعم السمك حلو أما السمك اللي في الخزان فبيبقى في حالة خمول لأن مافيش سبب يخليه يتحرك!
فعشان يحلوا مشكلة نقل السمك ويبقي طعمه حلو قررو أنهم يحطوا في كل خزان ناقل للسمك سمكة قرش صغيرة تفضل تطارد السمك فيبقى على طول بيجري من سمكة القرش
(صحيح سمكة القرش هتاكل شوية سمك بس في النهاية هيوصلوا بمعظم السمك طعمه طازة)
القصة دي فيها درس حلو و هو “إنك لازم تدور على محفز يخليك تتحرك حتى لو كان الخوف”
ممكن الخوف من المرض يخليك تاكل healthy (أكل صحي) وتلعب رياضة وممكن الخوف من الإحتياج المادي يخليك تهتم بشغلك وتطور من نفسك وهكذا ..
المهم إنك ماتدخلش الComfort Zone (منطقة الراحة) وتسترخي لأنه هييجي على دماغك دايماً ..
مهم أنك دايماً تلاقي الShark (القرش) اللي يحركك لقدام وفي رأيى الشخصي أهم Shark ممكن تلاقيه هو خوفك من إنك تبقى إنسان فاشل لأن ده مايليقش بيك
You are better than that (لأنك تستحق الأفضل)
زي ما قال أحمد خالد توفيق الله يرحمه “ما الذي يدفعك للمحاولة؟ “إيماني الشديد بأن القاع ليس لي”
