إعلام على ماتفرج
بقلم / هند عبد الغنى
١…المنافقين ودة اعلام منفصل عن الواقع طول الوقت حضرتك بتسمع كلام ودنيا فى حتة تانية خالص تنزل الشارع وتسمع الناس تعرف انهم مش بيتكلموا عليك دول بيوصفوا وضع من نهج الخيال
٢..المصلحجية ودة اعلام ماسك العصاية من النص دول بقى عاملين زى الترمومتر حبة فوق وحبة تحت على رأى الفنان احمد عدوية ومش بس كدة انا بعتبرهم من اقذر الناس لانهم مش بينتموا للبلد ولا تخصهم فى حاجة دول منتظرين يشوفوا الكفة الراجحة ويهللوا معاها
٣…المستفزين ودة اعلام الاكل والرقص والخيبة تحس انهم مرضى نفسيين علشان الناس بتقول مش لاقية تاكل والوضع صعب ودول قاعدين يغروا عينك بطواجن وصوانى مالذ وطاب واسماء اكلات مكوناتها من كوكب اخر ( محدش فايقلكم )
٤…خرابين البيوت ودة اعلام مهمته خراب الاسرة وتوسيع الفجوة بين الراجل والست
واحدة تطلع ( تتنحنح ) للرجالة واسفة على اللفظ الحقيقة جابت لاهلها العار لسوء تربيتها وسوء اخلاقها ..
ببساطة الراجل الصح مش بيدوس بجزمته على هدوم مراته الراجل الصح ايده بترفع جزمة مراته علشان يعليها ويغليها ادام الناس مش الكعب اللى بيعلى ويرفع لا الراجل الصح …
اما الست التانية فمسكينة شاءت الاقدار انها عانت من مشاكل فى حياتها ومن بعدها قررت تشن الحرب على الراجل وتوصى الستات بعدم تحملهم والحقيقة ياستى ان ربنا خلق امنا حواء علشان تسعد ادم وتونسه على الرغم انه كان فى الجنة ونعيمها فمابالك بالدنيا وكآبتها
٥…بتوع الخارج ودول انواع ناس تابعة للاخوان وناس تابعة للمال فقط
الاخوان نجمهم اطفى خلاص انما بتوع القنوات المتريشة قاعدين يعرضوا جمال الدولة صاحبة القناة اللى احنا علمناهم وعالجناهم وبنينالهم بيوت يسكنوا فيها سابنا بقى هو وحاطط على بلده وبيفخم فى غيرنا
احب اقوله بكرة تندم
احترم الفئة القليلة المحترمة من ابناء وطنى.
