هند عبد الغني تكتب : الستات باظت
طول عمر الست رمانة ميزان المجتمع زمان قبل مانبتلى بالسوشيال ميديا كانت الستات عارفة وفاهمة بتعمل ايه
سواء كانت ست بيت أو حتى أضطرت تشتغل….
ست عارفة وراعية وواعية لوظيفتها الأساسية أم ومديرة على كل بيتها وأسرتها.
ست عارفة أمتى تكون أنثى وامتى تظهر ب ١٠٠ راجل
ست يعنى الحياء.
دلوقتى بقينا” أشباه نساء ” لا أخلاق ولا حياء ولا بيوت مستقرة ولا جيل نافع.
ستات مبقاش حاجة تهمها إلا هوس الظهور سواء فيديوهات لإظهار مايمكن اظهاره أو بصوتها
تفتح فى نص الليل تلاقيها ، وش الصبح تلاقيها ، اى وقت متاحة ومباحة للكل.
عرفت ليه الدين كان حريص على الحفاظ عليها وكرمها وصانها.. لكن للأسف هى مصانتش نفسها واصبحت عبدة للكاميرات والمال وماخفي كان اعظم …
الستات باظت حرفيا الا مارحم ربى
حتة الحديدة خربت العقول والنفوس واصبنا فى اعظم مانتملك( الحياء )
محدش بيتورع على فعل اى شئ
بناتنا فى خطر كبير والكل بيستسهل ويبرر الغلط
نسب الطلاق بقى ف تزايد بسبب السوشيال ميديا اللى بقينا نستخدمها ف كل غلط…..
الستات باظت والبيوت أخترقت وأتفضح سترها
والكل ماشى بمبدأ الدنيا صعبة ونعمل ايه
والله الاصعب هى بيع اخره دايمة بدنيا مؤقتة
الوضع أصبح خطر خطر خطر
كلنا محتاجين نراجع امورنا ونفوسنا.
