هند عبد الغني تكتب : همسة للست الهبلة
خدعوكى وضحكوا عليكى لما قالولك إثبات الذات خارج البيت أولى !!
حبيبتى مكانك الأول والأخير بيتك لما تعرفى تثبتى نفسك فيه الأول اطلعى اتحفينا..
خدعوكى وقالولك تربية الولاد مش مهمتك وللاسف بعد ماسمعتى كلامهم بقينا نشوف جيل مهبب وتربية مفيش
أفتكرى انى قولتلك انك راعية على بيتك واولهم ولادك ..حتتسألى عليهم
خدعوكى وقالولك ان الحب كلام وبس وصدقتي ..!!
افتكرى انى قولتلك ان الحب يعنى اخاف عليكى بكل ماتحويه الكلمة يعنى اهتمام بكل ماتحويه الكلمة
بيحبك يعنى يحافظ عليكى ومفيش اعذار مصطنعة
افهمى ان اللى بيبعده ربنا عنك هو الخير كله ليكى واللى بعد يعنى كان مخليكى بديل …عيب اكبرى وافهمى انك ملكيش بديل
خدعوكى وقالولك متقوليش غير حاضر ونعم تكسبى..!!
افهمى ان الست دماغ واللى بيخلى اى حد ممكن يقرب منك دماغك …دماغك
خدعوكى وقالولك مش مهم شعرك وريحتك وجسمك المهم تطبخى وتربى عيالك وشكرا ..!!
لا ياقلب ماما…. الراجل اللى بيملى عينه الست اللى بتهتم بكل تفاصيلها حرفيا ..
الست الحلوة المثقفة المهتمة بكل تفاصيلها حتكسب حتكسب اقراى اعرفى ازاى
خدعوكى وقالولك اظهرى على القنوات وعرى جسمك حتكسبى كتيير
صح الكلام بس متنسيش اللى حيكسبك اشباه رجال علشان الراجل الصح مش بيحب ست تعرى نفسها وتفضح مفاتنها لكل من هب ودب
فى حاجات كتير تانية حعملها سلسلة تكون همسة للست الهبلة
