موسم سياحي تاريخي تشهده مصر وغاب عنا كثيرا.. هذه الصوره من فندق سيجل بالغردقه أمس الجمعه الساعه ٧ صباحا.. و هذا فندق وجهه لجنسيات كتير و زي فنادق كتير عندها أداره ناجحه بتكافح و تجتهد في الغردقه و شرم الشيخ اللي دلوقتي مافيهمش مكان لقدم.. عايز ايه السايح غير أوتيل جميل مع ضيافه و خدمه راقيه و شمس و هوا و ميه و موظفين مبتسمين في وشه..
عرفتوا ايه سبب الدعوات اللي علي السوشيال ميديا.. نفسي افهم ١١/١١ ايه و ليه و أشمعني دلوقتي بالذات مع دخول الشتا ، خايفين من الفراعنه تشتغل و ترجع تقوم ؟ ، خايفين ان اجتماع مؤتمر المناخ يتقلب لتجمع اقتصادي زي ما الريس مرتب و تتم فيه صفقات بمئات المليارات من بلد فيها كل انواع الطاقه مع ايد عامله و مناخ مناسب طول العام ، و مناطق صناعيه و زراعيه جديده علي ملايين الافدنة و دوله بتطل علي بحرين فيها مواني في كل مكان فيها اكبر قناه لعبور السفن بالعالم ، علشان القوانين الاقتصاديه الجديده و المزايا الجديده للمستثمرين و لا علشان دوله بنت دوله تانيه جواها مكونه من ١٩ مدينه ذكيه جديده علي احدث النظم تم اضافتهم علي الارض في خلال عدد سنوات بسيط للغايه و بتستعد الان للعمل يعني انا و انت و اولادنا و احفادنا هنستفيد هنستفيد ..
اه نسيت اقول حاجه ، اقل غرفه ٤ نجوم و ٣ كمان في شارم الشيخ دلوقتي ب ٦٠٠ دولار امريكي في الليله بدلا من ٦٠ دولار في الاوقات الماضيه و الخمس نجوم من ١٠٠٠ دولار و طالع و لغايه ٢٥ نوفمبر.. و ده نتيجه الحمله الترويجيه اللي قامت بيها الدوله و محدش حس بيها اتصرف علي شرم الشيخ الفتره اللي فاتت مليارات كتير و خليني افهمكم ايه اللي بيحصل.. مليارات كتير الدوله طورت بيها شرم الشيخ و ما تحملتش منها حاجه ، لان كان فيه اتفاق مع الفنادق علي تحصيل نسبه ٢٥٪ فيما يحدث الان بالأضافه الي سبونسورز و سفارات و شركات داعمه و بنوك و قدرت الدوله في فتره بسيطه توصل شرم الشيخ لمدينه عظيمه و متميزه في كل شئ ، ٥٠ الف ضيف جايين يشوفوا ايه اللي بيحصل في مصر يتبعهم مئات الالوف من اصحاب القرار ، هينقلوا تجربتنا لبلادهم و يرجعوا يستثمروا في مصر من سياحه و صناعه و زراعه ، فكر اقتصادي تنموي جديد متطور ، اللي فاكر ان الدوله هتستمر في السياسه اللي اتعودنا عليها سنين طويله يبقي غلطان لان قطار التنميه الفتره الجايه بيعالج كل اوجه القصور و العمل شغال علي الارض و اللي في العمل السياسي حاسس و شايف برؤيه واضحه و صريحه و بلا جدال و كله في مصلحه المواطن..
فيه أحقاد ؟ أه فيه.. فيه محاولات لابطاء التنميه ؟ أه فيه.. فيه محاولات شق صف ؟ أه فيه ، ده كفايه الصوره السودا اللي بيحاولوا يطلعوهالنا كل يوم في وشنا علشان منشوفش اي حاجه حلوه و الحقيقه علشان نوصل لكده يبقي التشويه ده مصروف عليه كتير .. فيه ظروف عالميه؟ اه بس وضعنا متطمئن بأذن الله
انا مش هطول اكتر من كده بس والله ولله مصر رايحه مكان جميل و لا هيفرق معاها لا حاقد و لا خائن و لا ناكر ، مصر محفوظه ليوم الدين.
