كالعادة سنة بتخلص وبتعدى بحلوها وبمرها
بقلم / كرستين سعد
حبايبى حبيباتى اصدقائى زملائى متابعينى
كالعادة سنة بتخلص وبتعدى بحلوها وبمرها
حابة اقولكوا انى حقيقي بحبكم وكلكوا جوة القلب
السنة دى فرقت معايا جدا لأنها عرفتنى عليكوا وعلى اغلى واحلى ناس وقد ايه انا محظوظة بيكوا لانى عندى على صفحتى الإعلامية دى ناس محترمة وقمة ف الرقى والأدب والاحترام واعيين مثقفين .
ولن انسى دعمكم ليا وكلامكم المشجع الإيجابي اللى بيدينى اكبر حافز إنى أكمل.
تعالوا ندخل السنة الجديدة واحنا بنحب بعض ومسامحين بعض وبنقول كلام حلو لبعض وبنشجع بعض ونساعد بعض
صدقونى يا بخت اللى يساعد غيره ويطيب قلب غيره حقيقي يابخته وإياكم وكسر الخواطر لأنها ملهاش دواء وبتترد
إنسوا أى حاجة زعلتكوا ف 2022 وادخلوا 2023 بتفاؤل وأمل وشوفوا حابين توصلوا وتعملوا وتحققوا ايه ف السنة الجديدة
الدنيا مش مستاهلة أى حاجة تعكنن علينا وهى فترة زمنية معينة بنعيشها ف الزمن اللى كدة كدة بيمر وبيعدى ف ياريت ونتمنى نعيشها صح
سنة جديدة سعيدة مليانة نجاحات وإنجازات وبركات عليكوا كلكوا
بحبكوا من غير أسباب
وربنا يفتحلكوا خير مليون باب
سنة جديدة هتبدأ بعد ساعات
ربنا يحققلكوا كل الامنيات
هنبدأ السنة الجديدة بأحلى هدف
واحنا مليانين طاقة وامل وشغف
مين فينا مش نفسه يبدأ سنة سعيدة
ويحقق احلام وآمال مفيدة جديدة
المهم نبدأ ونشتغل على نفسنا ونتكل على الله
وكل اللى نفسكوا فيه يتحقق إنشاءالله
وكل سنة وحضراتكم طيبين.
