أمل شهاب تكتب : ثواني بس
ثواني_بس…. هى القاعدة اللي كلنا تقريبا بنسمعها كل يوم…((اشتغل على نقط ضعفك)) وانت هتبقى زى الفل…
لااا احب اقولك يافندم العكس تماااما ((اشتغل على نقاط قوتك)) هتبقى مشتل وروود آاه والله زى ما بقولك كده…وده عن تجربه بالفعل….
تعالوا نفكر شويه يعني اشتغل على نقط ومسكنات لضعفي وأضيع فكر ووقت وطاقة ومجهود مضاعف على أضعف حاجه فيا ولا امشي في طريق نقاط القوة اللي ممهد نوعا ما او قابل للعمل لجعله اكثر طريق لنجاحي لأن الأكيد لو اشتغلت بكل ما املك من وقت وطاقة ومجهود على نقاط القوة اللي عندي كفيلة انها #تقوي_نقط_ضعفي إلى التلاشي بالتدريج لأن تعمد نسيان الضعف قوة بحد ذاته.
خلطة تكوينية من أسرار خلقنا ونجاحنا ف #دوون_يا محتاجاك تعافر فيها لاى سلبيات مقنعه….
احنا رب الكون خلقنا اقوى خلقه عطانا نفحه من روحه الكريمة….. خصنا بذاته الإلهيه فخلينا نشوف طاقة قوتنا فين ونشتغل عليها كتير لحد ما تحس انك حققت اللي فعلاً اتخلقنا له #العمار لروحك وأخلاقك وعلمك وعملك اللي هو أصل أصيل جوه كل واحد فينا بس أكيد فينا
#الصالح اللي دايما واثق من رب الكون و من نقاط قوته اللي هيعمر بها دنياه واللي هى نفسها هتبقى له مفتاح نجاه ف أبد الحياه هناك.
و فيه الطالح ابعدوا عنه لأن ده هو بذاته #نقاط_ضعف وهاله سوداويه لروحه ولكل اللي حواليه….
لقد كرمنا الله عزّ وجل جميعنا وخلقنا في أحسن تقويم
لكى نبصر…………..
بالمناسبة المرة دي مش مجرد خاطرة من اللي بكتبهم لاء ده واقع عشته بتفاصيله…..وقتها كانت الرؤى ضبابيه لكني مع كل ألم علم…صحح…وضح الصورة كاملة بالنسبه وأصبح الأمل هو نجاة من رحم الألم…..
وأدركت أن ثقتي في الله هى يقيني.
