هل كان المصريين القدماء وثنيون كما يدعي البعض ؟
بقلم / د. محمود التطاوي
بسم الله الرحمن الرحيم
(وقال رجل مؤمن من آل فرعون يكتم إيمانه أتقتلون رجلا أن يقول ربي الله وقد جاءكم بالبينات)
ربنا سبحانه وتعالى ذات نفسه قال إن كان فى ناس مؤمنين من آل فرعون وده بينسف قاعدة التعميم والتشوية “المتعمد” للحضارة المصرية والمصريين القدماء وإدعاء أنهم كانوا شعوب وثنية كافرة أو أن توحيد اخناتون وزوجته كان توحيد مزيف!!
رب الكون دينه بدأ منذ بداية خلق الكون ونزول سيدنا آدم عليه السلام مش من وقت نزول الأديان والشرائع السماوية فقط ..ياريت نقرأ ونفهم
ان ” مصر عرفت التوحيد قبل نزول الديانات الثلاثة” ؟! واكبر مثال علي كلامى ان نفرتيتي كانت مؤمنة بالله ومكانتش بتعبد غير الإله الواحد الأحد ورفضت عبادة امون؟!
ده مش كده وبس دى تركت عاصمة الحكم وأسست مع جوزها اخناتون عاصمة جديدة فى منطقة تل العمارنة (المنيا حاليا) تكون مركز للتوحيد والعبادة الجديدة للإله الواحد الأحد اللى كانوا بيرمزوله بقرص الشمس وسموه آتون..
الكلام ده هيفاجىء ناس كتير بس دى حقائق تاريخية ولمن لا يعلم المصريين القدماء عمرهم ما كانوا بيعبدوا أشياء مادية بالعكس كانوا مؤمنين بوجود خالق اكبر غير مرئي للكون .. كل الحكاية أنهم استخدموا حاجه اسمها الرمزية Symbolism مجرد انهم كانوا بيرمزوا للإله الخفي بالأشياء اللى خلقها دليلاً على وجوده مش بيعبدوا الرمز نفسه!
اليهودية والمسيحية والإسلام تاريخ وجودهم على الأرض حوالى ٣٠٠٠ سنه تقريباً تفتكروا الشعوب اللى اتخلقت قبل التاريخ ده مصيرها ايه ربنا هيدخلهم
النار ؟!!!!!؟
بسم الله الرحمن الرحيم
{وما محمد إلا رسول قد خلت من قبله الرسل}
لازم نفهم ولادنا ونربيهم ان الحضارة المصرية والمصريين القدماء ابدا لم يكن اسمهم الفراعنة او كانوا يعبدوا الحاكم ((الفرعون)) المفروض ده يدرس لاطفالنا والعالم كله يعرف ان المصريين القدماء اول من وحدوا الله وعبدوه
وده كلام ربنا مش كلامى
