قصص أمثال شعبية
بقلم / داليا طايع
مصر مشهورة بأمثالها الشعبية و مقولاتها المأثورة وزي مافي مثل او مقولة في قصة وراءها وفي كتير مننا بنقول المثل او المقولة بس يا ترى عارفين ايه حكايته كتير مننا مش عارفين ايه العبرة والحكمة و الفايدة اللي اتسببت ان المثل ده يشتهر ويفضل لحد عصرنا الحالي تعالوا نفهم ونعرف القصة اللي اتسببت في المقولة او المثل
حكايتنا النهارده هتكون عن قصة مثل بركة يا جامع اللي جت منك المثل مختلف عن باقي الأمثال لأنه ليه روايتين مختلفتين تعالوا نعرف اكتر.
الرواية الأولى هتكون مع رجل كان يفضل الصلاة في بيته هاجرًا المسجد، وهو ما لاحظه الناس حوله، وعلى أساسه أخذت الناس تلومه على مقاطعته بيت الله، وفي يوم من الأيام تكلف الرجل وأراد الذهاب إلى المسجد فوجده مغلقًا».
أخذ يردد «بركة يا جامع .. هذه البركة أشكر الله عليها، تبرئني من وصمة التقصير وتدفع عني الملام، وقد بلغت بها ما أطلب».
الرواية الثانية ترجع الى أيام الحكم العثماني حيث كان جامع الاموال يمر لتحصيل الضرائب وكان يسمي الملتزم او مقاطعجي يجمع الضرائب من الناس بحسب قانون الالتزام ومع الحالة السيئة والاحوال المعيشية المتردية لم يجد الناس ما يعطونه الى جامع الاموال، فمع اقتراب مرور جامع الاموال يكون على الجميع تدبير الاموال المفروضة فلما خرج رجلا ليدفع الضريبة لجامع المال لم يحضر الجامع فقال الفلاح “بركة اللى جت منك يا جامع”، ومن هنا خرج المثل الذى تداوله الناس فيما بينهم، بركه يا جامع اللي جت منك ومجتش مني.
وبقى في عصرنا الحالي يستخدم حين يحاول المرء فعل شئ ما لكن الظروف تقف حائلاً أمامه،أو تقوله لما تحاول تطفش حد بس مستنيها تيجي منه، من باب أنك عملت اللي عليك يعني وحاولت انك تساعده وهو اللي رفض، فيتردد المثل بركه يا جامع اللي جت منك ومجتش مني.
المرة الجاية هحكيلكم قصة مثل جحا أولى بلحم طوره.
