هند عبد الغني تكتب : مش وظيفتى
أنا مش وظيفتى ف الحياة أطبخ
انا مش وظيفتى ف الحياة أربى الولاد
انا مش وظيفتى ف الحياة اراعى اسرتى
انا مش وظيفتى ف الحياة ادبر حال بيتى
انا مش وظيفتى ف الحياة ادادى واطبطب
انا مش وظيفتى أحتوى واهتم واطيب
انا مش وظيفتى انظف واحول بيت لجنة
انا مش وظيفتى اسهر طول الليل اداوى
انا مش وظيفتى اكون مدرسة ودكتورة
انا اصلا مش جاية اقعد فى بيت
أنا مش وظيفتى…أنا مش وظيفتى
الكلمتين دول اللى ستات التليفزيون بيسمموا بيهم نفسية كل ستات البيوت.
برمجوا عقول كتير على ان دور ست البيت تافه ولا يعنى شئ.. والحقيقة انها كل شئ …هى المديرة والمدبرة
ست البيت لما بتكون شاطرة غالبا بتكون شاطرة ف كل حاجة
وان كان الزوج قايم بدور الرئيس فنقدر نقول ان الزوجة هى رئيسة الوزراء
وشوفنا ف الواقع ايه اللى بيحصل لما رئيس الوزراء بيفشل ف مهمته .!!
وست البيت فى الازمات اثبتت انها ست الستات واقفة مكاتفة بيتها واسرتها وشايلة كتير وصامدة وصابره البيوت مكملة بستر ربنا وصبر ومساندة الست …
ست بيت هى ست الكل وست البنات وست الستات هى ست من أهل جنة الأرض
ست قادرة تخلى الدنيا تمشى ، قادرة تخلى الستر موجود
قادرة تسند وتكون وتد …
الست هى الدعم وقت الشدائد.
