الحظ اللى مال
بقلم / ولاء ابوذيد
أنا تعبت من الحظ المايل
اللى معاوز يتعدل
وبعدين معاك ياحظ
ماتعقل يادى الجدع
لارمى عليك سحرى تسهر ماتنامشى وفى اليالى تدور تمشى
رحت للسحار وجاب الزعفران والبخور والورق
وطلبت منه عمل للحظ اللى ماتعدل
هز راسه وابتسم
قلبى عندك ياصبيه
ياجميله بس عناديه
دا انتى قلبك فاض حنيه
والعيون حسداكى
وياما قلوب شرياكى
عن العشق ليه متداريه
رديت الحظ معايا تاعبنى
واللى بتمناه سايبنى
ارحم حال قلبى
وسامحنى ياربى
وكتب الساحر عالورق
يامعشر الجن والفلك
هاتوا قلب دا الجدع
من تحت البحار
وفوق الجدران
يكون هنا حالا لها عاشق ولهان
وفجأه اتهز الكيان
ورد الجان وقال
دا الجدع متسلسل بواحده ست وعيال
ومانقدر نفرق ياصحبة المال
نزل الدمع منى وسال
هادفعلك ياساحر ويااهل الجان
وتشيلوا من قلبى كل العشق والامال
يااهل السحر والفلك
انا قلبى من العشق اتهلك
رد الساحر ودمعه سابق كلامه
دا نصيبك
اللى عشقتيه مالوش مكان غير فى زمانه
بس قلبه قال انه ختم بيكى احزانه
لو بس الايام كانت مدياله
كان فك السلاسل ومعاكى ياهنا باله
انسيه وشيلى من قلبك العشق اللى ليه
ومشيت وانا بشكى حالى
من الحظ واللى جرالى
طب انساه ازاى دا هو الفرح والاه
هو النبض والحياه
هاستنى يمكن يجى الوقت والقاه
ودائما وابدا سوف
اراك بقلبى
