(التضخم وزيادة الأسعار وتكرار الكلام )
بقلم /م. هيثم حسين
رئيس مجمع عمال مصر الخدمي للصناعة
الناس اللي بتقول زيادة الاسعار سببها زيادة معدل التضخم في كل دول العالم ومعاهم ايضا الدول النامية هيأثر علي اقتصادهم وان زيادة التضخم اللي أدي إلي ارتفاع الاسعار ده سبب عالمي واحنا لازم نتأثر زي ما العالم كله هيتأثر حابب أوصلهم رساله بلاش تكرار كلام بعيد عن الحقيقة بل وبيخفي أصل الحكاية في رفع الاسعار في الدول النامية المشكلة الحقيقية (أننا لا نعمل ولا ننتج ) حتي تكون هناك منتجات اكثر معروضه للمستهلك ،احنا بعد احترامي للجميع اخدنا كلمة التضخم من الغرب وعمالين نكرر فيها زي الشطار والتضخم ده بييجي للناس اللي مستوي معيشتها زاد والرفاهيه زادت والاساسيات عندها موجوده فخلي عند الشعب اللي وصل المرحله دي عزوف عن العمل والانتاج فبالتالي بقي مش بيشتغلوا ولا بينتجوا زي الاول ولكن بقا عندهم رصيد مخزون من الورق فلوس ،بس بدون بضاعه موجوده او منتجات موجوده وبقي يستهلكوا ناس تعبت واشتغلت وبقي عندها مخزون نقدي وليس سلع وكمان ترفهوا جدا فوصلوا لمرحله انتاجهم قل نقوم نقارن احنا نفسنا كدول نامية زي دول ذات تأثير إقتصادي عالمي وزي الناس اللي اشتغلت وعملت كل حاجه في بلادها وسبقونا بألف سنة من العلم والتطور والانتاج وتتطوروا لحد ما وصلوا القمر وبيتخانقوا كمان عليه مين هيحط الاقمار بتاعته فين وازاي والمنطقة دي تبع دولة ايه علي القمر ، بلاش نفضل نكرر كلام مش فاهمين معناه الحقيقي المعني الحقيقي اننا دول نامية يعني لسه بننموا لسه عاوزين نبقي حاجه وسط اقتصاد الدول فعشان نبقي حاجه فعلا لازم ننتج ونشتغل ونقدم قيمة مضافة لنفسنا وبعدين قيمة مضافة للمجتمع العالمي حوالينا لكن نقول اصل التضخم العالمي ده هيأثر علينا عشان كده اقتصادنا ايضا هيتأثر ونسكت لا طبعا العبرة اننا بقالنا اربعين سنة تقريبا بنقول اننا دول نامية ومش بننموا فرصتك ان الناس اللي حصل عندها تضخم دلوقتي انت يحصل عندك نمو دلوقتي ودي اللي بنسميها الفرص وقت التهديدات المحيطة باللي جنبك زي مثلا واحد جارك غني جدا عنده الف فدان أرض زراعية وزرعها كلها قمح وعايش منها بياكل وبيبيع منها وجه وقت الحصاد وهو من كتر الترف والراحه اللي عايشها هو وعياله كسل يحصد القمح والسنابل هتنشف علي العود وهتقع في الارض وواحد جاره فقير وعلي قد حاله هو وعياله شغالين عندهم ورشة حداده ونجاره بسيطة وبعدين الحداد فضل يشتغل هو واولاده علي تطوير الة حصيد ودريس اتوماتيك تحصد وتدرس الفدان في ساعة وراح لصاحبنا الغني اللي زرع ومن كتر الترف مش عاوز يحصد لا هو ولا اولاده، وراح صاحب الورشة اللي علي قد حاله للغني قاله انا هاخد نص المحصول مقابل اني اسلمك الغلة بتاعتك كلها في اشوله وجاهزه كمان بدل ما تخسر الغله في الارض واتفقوا على كده تفتكروا اللي عنده الورشه البسيطة بعد كام محصول هيكون غني زي صاحب الارض ووممكن ييجي اليوم اللي يمتلك الارض نفسها
العبره دلوقتي اننا كدول نامية ننمو وننتج ولا نفضل نكرر برده كلامهم عن التضخم زي ماخلونا من اربعين سنة فاضلين يقنعونا اننا دول نامية دون ان ننمو
فلا مجاملات الآن علي حساب مصلحة الأوطان.
