معني “شريك الحياة” ؟
بقلم / الإعلامية رنا ناصر العلي
كلمة شريك الحياة
كلمة عميقة وجميلة جدا!
شريك الحياة يعني :
حد بيشاركني حياتي حتى لو مش قاعد معايا ٢٤ ساعة.. بس بنفكر مع بعض.. بنحلم مع بعض.. بنضحك مع بعض.. بنزعل مع بعض.. بندعم بعض.. ما بينا قيم وأهداف ومعاني مشتركة..
يعني اتنين أصحاب بيتجوزوا و كل واحد فيهم شايف في التاني اللي محدش شايفه.. عارف عيوبه بس بيحبه زي ماهو.. مش بيحاول يسيطر عليه ولا يخنقه ولا يحاول يغيره بالعكس ..
كل واحد بيسعى انه يبني رصيد عند التاني بكلمة صغيرة حلوة.. بلفتة بسيطة.. بإهتمام واحتواء.. بالتغافل عن الاخطاء.. بوقفة جدعنة وقت الشدة.. بجبر خواطر بعض..
شريك الحياة يعني نعرف بعض كويس
يعني بنستمتع بالوقت اللي بنقضيه مع بعض وبيعدي بسرعة جدا.. بنرغي وبنحكي وبنفضفض وبنتجنن واحنا مش خايفين من حاجة لأننا صحاب.. لأننا شركاء في الحياة ودي أحلى حاجة في الدنيا .
