أمل شهاب تكتب : علبة بازل

علبة بازل متبعتره فيها كل الصور…..
علبة بازل محتاجين الصورة فيها تكتمل…..
وقت الضغوط تلاقي صوت يقول تعالى نقعد نجمع كل الصور…..
كل الصور!! …..آاه كل الصور .
صورة الكرامة للإنسان
صورة الحرية والأمان
صورة السلامة والإطمئنان
صورة الأمل….
صورة الحياه…..
ومن الألم خط ورسم كل الصور
من رحم المعاناه……
طيب ليه كده…. !!
ده في البدايه كرمنا الله
خلق إنسان جواه إيمان
و كل أوراقه معاه…..
ولأجل الصورة تكتمل دايماً يعافر في الحياه……
حب الغنى…..وصوت الأنا
جلب طوفان مافيهوش نجاه..
و لو قولت آاه بصوت الألم
مين يسمعك….
ماهو كل واحد حب الأنا
من وقتها كتب القلم من خاف سلم…..
ومن غير سلام ولا إهتمام
سيبنا الحكايه…كل الحكايه
حتى الصور في علبة بازل اتبعترت حتى النهايه……
علبة بازل محتاجين الصورة فيها تكتمل…وقت الضغوط تلاقي صوت ….
يقول تعالى نقعد نجمع كل الصور…علبة بازل.
أمل شهاب