حكايات من زمن فات
الغلباوى
بقلم / محمد فتحي
حكمت المحكمة ببراءة المتهم وحبس الغلباوى …
مهنة الغلباوى هى مهنه قديمه جدا.. إنتشرت فى مصر قبل عام 1868 اى ما قبل إنشاء أول كليه للحقوق … حيث كان يوجد أمام المحاكم نوعين من الأكشاك..كشك للعرضحالجى وكان بيكتب التظلمات والالتماسات والعرائض للمواطنين ..والكشك التانى هو كشك الغلباوى بمفهومها دلوقتى المحامى وهو عادة بيكون ازهرى وبيفهم فى القوانين العرفيه والشرعية دا غير طبعا مهارته الأساسية فى الكلام والمجادله لساعات طويله وكان يضع يافطة على كشك الخدمات القانونيه التابع له مكتوب عليها (الدفع بعد البراءة والفرج) فهو كان محل ثقه لدى الجميع من المجهود الذى كان يبذله أثناء الدفاع عن موكله لدرجة أنه كان بينسى نفسه ويجلجل بصوته أمام القاضي لأن الناس كانت بتفضل الغلباوى الجعجاع اللى صوته عالى وعادة ما كان الأمر بينتهى بحبس الغلباوى وبراءة المتهم.
